काठमाडौं । नेपाल संवत् ११४४ का अवसरमा न्हूुदँ राष्ट्रिय समारोह समितिले आज वसन्तपुरमा आयोजना गरेको छ । समारोहमा प्रधानमन्त्री पुष्पकमल दाहाल‘प्रचण्ड’,  समारोह समितिका अध्यक्ष प्रा डा नरेशमान बज्राचार्य लगायतले संवोधन गर्नुभएको थियो भने उपप्रधानमन्त्री तथा गृहमन्त्री नारायणकाजी श्रेष्ठ, काठमाडौं महानगरपालिकाका प्रमुख बालेन्द्र साह, उपप्रमुख सुनिता डङ्गोल, जनकवि दुर्गालाल श्रेष्ठ, नेपाली कांग्रेसका नेता प्रकाशमान सिंह र भीमसेनदास प्रधान, नेकपा (एमाले) का नेता कृष्णगोपाल श्रेष्ठलगायतको सहभागिता थियो । यसै गरी काठमाडौं उपत्यकाका विभिन्न स्थान र काठमाडौं बाहिर पनि नेपाल संवत्को नयाँ वर्ष शुरू भएको अवसरमा विविध कार्यक्रमको आयोजना गरिएको जानकारी प्राप्त भएको छ । ती समारोहका केही झलक तस्वीरमा हेरौं :

प्रधानमन्त्री पुष्पकमल दाहाल ’प्रचण्ड’ शङ्खधर साख्वाः प्रतिष्ठानले मध्यपुरथिमिको शङ्खधर साख्वाः चोकमा आयोजना गरेको नेपाल संवतका प्रर्वतक एवं राष्ट्रिय विभूति शङ्खधर साख्वाःको प्रतिमामा माल्यार्पण समारोहमा शङ्खधर बुलेटिन सार्वजनिक गर्दै ।

नेपाल संवत् ११४४ का अवसरमा तनहुँको दमौली बजारमा मङ्गलबार निकालिएको सांस्कृतिक र्‍यालीमा सहभागीहरु ।

नेपाल संवत ११४४ का अवसरमा काभ्रेपलाञ्चोकको बनेपामा मङ्गलबार विभिन्न संघ/संस्थाहरुले आयोजना गरेको न्हुदँया भिन्तुना र्‍यालीमा सहभागीिहरु । 

काठमाडौँको तारकेश्वर नगरपालिका-१० स्थित मनमैजुमा नेपाल संवत् ११४४ का अवसरमा आयोजित न्हूदँ भिन्तुना र्‍यालीमा सहभागीहरु ।

नेपाल संवत् ११४४ का अवसरमा नेवार सेवा समिति घोराहीले मंगलबार दाङको घोराहीमा निकालेको भिन्तुना र्‍यालीमा झाँकी प्रस्तुत गर्दै नेवार समुदाय ।

नेपाल संवत् ११४४ लाई स्वागत गर्दै बनेपा चैतन्य बहुमुखी क्याम्पस अगाडि बनाइएको पञ्च धातुसहितको अष्टमंगल मन्द र मन्दःअगाडी बसेर नेवारी पोशाक हाकुपटासीमा तस्बिर खिचाउँदै बालिकाहरु ।

नेपाल संवत् ११४४ का अवसरमा मङ्गलबार तनहुँको ऑबुखैरेनीमा निकालिएको झॉकी ।

नेपाल सम्वत ११४४ को अवसरमा मङ्गलबार गोरखा सदरमुकाममा निकालिएको र्‍यालीमा धिमे बाजा बजाउदै नेवार समुदायका युवायुवतीहरु । सबै तस्वीर : रासस