रे समाचार/काठमाडौं। टी-२० त्रिदेशीय क्रिकेट शृङ्खलाको दोस्रो खेलमा आज नेपाल र नेदरल्यान्ड्स खेल्दैछन् । खेल किर्तिपुरको त्रिवि क्रिकेट मैदानमा बिहान साढे ११ बजेदेखि शुरु हुनेछ ।
अहिले नेपाल, नेदरल्यान्डस र नामिबियाबीच त्रिकोणात्मक सिरिज भइरहेको हो । त्यसअन्तर्गत पहिलो खेलमा हिजो नामिबियासँग नेपाल पराजित भएको थियो । पहिलो खेलमा नामिबियासँग पराजित भएको नेपाल नेदरल्यान्डसँग जित निकाल्ने लक्ष्यमा हुनेछ ।
यसअघि हिजो भएको पहिलो खेलमा नेपाल नामिबियासँग २० रनले पराजित भएको थियो ।
यसअघि लिग-२ अन्तर्गत दुवै खेलमा नेपाल नामिबियासँग हारेको थियो । हिजोको खेलमा नामिबियाले दिएको २ सय ७ रनको लक्ष्य पछ्याउने क्रममा नेपालले १८ ओभर ५ बलमा अलआउट हुँदै १ सय ८६ रन मात्र बनाउन सक्यो । टस जितेर पहिले ब्याटिङ रोजेको नामिबियाले निर्धारित २० ओभरमा ४ विकेटको क्षतिमा २ सय ६ रन जोडेको थियो ।
यस्तै लिग-२ मा नेपाल र नेदरल्यान्ड्सबीच भएको खेलमा दुवै टोलीले एक÷एक खेल जितेका थिए ।
