मड्रिड । स्पेनिस क्लब रियल मड्रिडबाट बाहिरिएपछि फ्रान्सेका स्टार फरवार्ड करिम बेन्जेमा साउदी च्याम्पियन अल इतिहादमा अनुबन्धित हुनु भएको छ ।

उहाँलाई रियलले मंगलबार नै सानदार बिदाई गरिसकेको छ । एक पल्टका बालोन डी’ओर विजेता करिम बेन्जेमाले रियल म्याड्रिडमा १४ वर्षको बसाईलाई बिट मार्दै साउदी अरेबियाको च्याम्पियन अल–इतिहादसँग ३ वर्षको सम्झौता गर्नु भएको हो ।

उहाँ मोटो रकममा अल इतिहादमा अनुबन्धित भएको बुझिएको छ । ३५ वर्षीय  स्ट्राइकर बेन्जेमाले म्याड्रिडसँग १४ वर्षमा ५ च्याम्पियन्स लिग र चार ला लिगासहित २५ ट्राफी जित्नु भउको छ । उहाँ रियलका लागि ३५४ गोल गर्नु भएको छ । 

उहाँ क्रिस्टियानो रोनाल्डोपछि रियलको दोस्रो सर्वाधिक गोलकर्ता हुनु हुन्छ । रियलबाट ४५० गोल गर्नु भउका रोनाल्डो अर्को साउदी क्लब अल–नासरमा हुनु हुन्छ ।