थोराङ्ला भञ्ज्याङमा लेक लागेर अधिकारीको मृत्यु
मनाङ । मनाङको मनाङ ङिस्याङ गाउँपालिका-८ स्थित थोराङ्ला भञ्ज्याङ पार गर्ने क्रममा बुधबार लेक लागेर (अक्सिजन अभाव) एक नेपाली पर्यटकको मृत्यु भएको छ ।
मृत्यु हुनेमा धादिङको गङ्गा जमुना गाउँपालिका-५ फुलखर्कका हरि अधिकारी रहेका छन् । अन्नपूर्ण पदमार्गअन्तर्गतको पाँच हजार चार सय १६ मिटर उचाइमा अवस्थित थोराङ्ला भञ्ज्याङ पार गर्ने क्रममा अधिकारीको मृत्यु भएको प्रमुख जिल्ला अधिकारी सुवासकुमार लामिछानेले जानकारी दिनुभयो ।
पदयात्राका क्रममा थोराङ्ला भञ्ज्याङमा अधिकारीलाई लेक लागेको थियो । उहाँको घटनास्थलमै मृत्यु भएको हो । अधिकारीको शव हेलिकप्टरमार्फत काठमाडौँ लगिएको छ । रासस
प्रकाशित मिति: बिहीबार, जेठ ३१, २०८१ १२:१४
प्रतिक्रिया दिनुहोस्
थप समाचार
