नाट्यशालाको १०० अंक पूरा

शुक्रबार, साउन ४, २०८१

रमेश हतुवाली काठमाण्डू । रे टेलिभिजनको नियमित कार्यक्रम नाट्यशाला सञ्चालनको १०० भाग पूरा भएको छ ।

नाट्यशाला सञ्चालनको १०० भाग पूरा भएको अवसरमा आज रे टेलिभिजनले एक समारोहको आयोजना गरेको छ । समारोहमा बोल्नु हुँदै रे टेलिभिजनका अध्यक्ष प्रकाशबाबु पौडेलले नाट्य विधा र यससँग सम्बन्धित कलाकार, उत्पादक, निर्देशक लगायत सबैको साझा चौतारो नाट्यशाला रहेको बताउँनु भयो । अध्यक्ष पौडेलले रे टेलिभिजन सामाजिक उत्तरदायित्व पुरा गर्न निरन्तर लागिपरेको पनि बताउनु भयो ।

कार्यक्रम नाट्यशालाका सञ्चालक कृष्ण खड्काले नाम चलेका मात्र नभइ यस नाट्य क्षेत्रमा आउने नव प्रतिभाहरुलाई समेट कार्यक्रमले महत्वपूर्ण स्थान दिएको बताउनु भयो । कार्यक्रम सञ्चालक खड्काले कार्यक्रम सञ्चालनका लागि रे टेलिभिजनले दिएको सहयोग र समर्थनको लागि कृतज्ञता समेत ज्ञापन गर्नुभयो ।