काठमाण्डू । वैज्ञानिक अनुसन्धानद्वारा मंगल ग्रहमा पानी भेटिएको पुष्टि भएको छ । 

मंगल ग्रहमा पानी हुनसक्ने भन्दै लामो समयदेखि गरिएको वैज्ञानिक अनुसन्धानले  पानी भएको पुष्टि गरेको हो । हालै मंगल ग्रहको चट्टानको गहिराइमा तरल पानीको भण्डार भेटिएको वैज्ञानिकहरुले पुष्टि गरेका हुन् । मंगल ग्रहको चट्टानी बाहिरी क्रस्टको गहिराइमा वैज्ञानिकहरुले पानीको भण्डार फेला पारेका हुन् ।

वैज्ञानिक अनुसन्धानद्वारा मंगल ग्रहमा पानी भएको पुष्टि, भूकम्पहरूको विश्लेषण र ग्रहको गति अनुसन्धानबाट पानीको भूकम्पीय संकेतहरु भेटिए ।।

सन् २०१८ मा मंगलग्रहबाट फर्किएको नासाको मार्स इनसाइट ल्याण्डरको डाटाको नयाँ विश्लेषणबाट वैज्ञानिकहरु यो निष्कर्षमा पुगेका हुन् । ल्यान्डरले सिस्मोमिटर बोकेको थियो । यसले मंगलग्रहको गहिराइबाट चार वर्षको कम्पन अर्थात् भूकम्पहरू रेकर्ड गरेको थियो । ती भूकम्पहरूको विश्लेषण र ग्रहको गति अनुसन्धानबाट तरल पानीको भूकम्पीय संकेतहरु भेटिएका हुन् । मंगल ग्रहको ध्रुवमा पानी जमेको र वायुमण्डलमा वाष्पको प्रमाण भए पनि ग्रहमा तरल पानी भेटिएको यो पहिलो पटक हो ।

प्राप्त समाचार अनुसार मंगल ग्रहको पुरै सतहमुनी (१.६ किलोमिटर) गहिराई पानीले ढाकेको अध्ययनले देखाएको छ । मंगल ग्रहको सतहमा व्याप्त पानीले ठूला ठूला समुद्रहरुको निर्माण हुनसक्ने पनि बैज्ञानिकहरुले बताएका छन् । सीएनएन