रे समाचार/काठमाडौं । भक्तपुरमा ट्रकले ठक्कर दिई स्कुटर चालकको मृत्यु भएपछि स्थिति तनावपूर्ण भएको छ । भक्तपुरको गठ्ठाघरमा ट्रकले स्कुटरलाई ठक्कर दिँदा स्कुटर चालकको मृत्यु भएको हो ।

महानगरीय प्रहरी वृत्त ठिमी भक्तपुरका प्रहरी नायब उपरीक्षक प्रेमसागर केसीले आज दिउँसो कोटेश्वरबाट भक्तपुरतर्फ जाँदै गरेको ट्रकले स्कुटरलाई ठक्कर दिएको जानकारी दिनुभयो । दुर्घटनापछि स्थानीय वासिन्दाले ठक्कर दिने ट्रकमा ढुंगामुढा गरेका छन् । घटनास्थल अहिले तनावपूर्ण बनेको छ ।  मृतकको सनाखत हुन सकेको छैन भने  दुर्घटनाबारे थप विवरण आउन बाँकी छ ।