काठमाण्डू । अगष्ट २१ तारिख बिहान चीनका प्रधानमन्त्री ली छ्याङले मस्कोमा रूसी प्रधानमन्त्री मिकेल भ्लादिमिरोभिज मिशुस्टिनसँग संयुक्त रूपमा चीन-रूस प्रधानमन्त्री बीच २९औँ नियमित भेट-वार्ताको अध्यक्षता गर्नुभएको छ।

वार्ताको क्रममा प्रधानमन्त्री ली छ्याङले दुवै देशबीच दौत्य सम्बन्ध कायम भएको ७५औँ वार्षिकोत्सवको सुअवसरमा आपसी सम्मान र पारस्परिक विश्वासलाई कायम राख्नुका साथै चीन-रूस सम्पूर्ण वास्तविक सहकार्यलाई सबल पारी चीन रूस नयाँ युगको सम्पूर्ण रणनीतिक साझेदारी सम्बन्धलाई नयाँ उचाईमा पुर्याउन चीन इच्छुक रहेको कुरा औँल्याउनुभएको छ।

प्रत्युत्तरमा प्रधानमन्त्री मिशुस्टिनले चीनसित लगातार रूपमा आर्थिक, व्यापारिक र सांस्कृतिक सहकार्यलाई गहन पारी अन्तर्राष्ट्रिय मामिलामा रहेको आपसी सम्पर्क र समझदारीलाई झन् घनिष्ट पार्दै दुवै देश नयाँ युगको चौतर्फी रणनीतिक साझेदारी सम्बन्धलाई विकसित पार्दै जान रूस इच्छुक रहेको कुरामा जोड दिनुभएको छ।

भेट-वार्तापछि प्रधानमन्त्रीहरूले चीन-रूस प्रधानमन्त्री २९औँ नियमित भेट-वार्ताको संयुक्त विज्ञप्ति लगायत विविध सहयोगी दस्तावेजमा हस्ताक्षर गर्नुभएको छ। सीएमजी