रानीवनबाट पेस्तोलसहित एक युवा पक्राउ
काठमाण्डू । पेस्तोल देखाएर स्थानीयलाई त्रसित बनाउँदै हिँड्ने एक युवा काठमाण्डूको रानीवनबाट पक्राउ परेका छन् ।
काठमाण्डूको नागर्जुन नगरपालिका-१ नमूना टोलमा पेस्तोल देखाएर त्रसित बनाउँदै हिँडेको भन्ने सूचनाका आधारमा प्रहरीले दैलेखको भगवतीमाई गाउँपालिका-७ घर भई सोही स्थानमा बस्ने २५ वर्षका अनिल खड्कालाई प्रहरीले पक्राउ गरेको हो ।
प्रहरीले निजको कोठा खानतलासी गरी पेस्तोल र खाली म्यागजिन एक थान बरामद गरेको जिल्ला प्रहरी परिसर काठमाण्डूका प्रहरी उपरीक्षक नवराज अधिकारीले राससलाई जानकारी दिनुभयो । पक्राउ परेका खड्कामाथि प्रहरी बृत्त स्वयम्भूले अनुसन्धान गरिरहेको छ । रासस
प्रकाशित मिति: आइतबार, कात्तिक ११, २०८१ १९:१७
प्रतिक्रिया दिनुहोस्
थप समाचार
