रे समाचार/काठमाडौं । शेयर बजार आज सामान्य अंकले वृद्धि भएको छ । शेयर बजार मापक नेप्से परिसूचक आज ६.७८ अंकले वृद्धि भई २६०७.९९ विन्दुमा पुगेको छ ।

नेप्सेको वृद्धिसँगै आज कारोबार रकम पनि बढेको छ । हिजो ६ अर्ब २५ करोडको शेयर खरिदबिक्री भएकोमा आज ६ अर्ब ५७ करोड ४ लाख ७७ हजार रुपैयाँबराबरको शेयर खरिदबिक्री भएको छ । आज मानुषी लघुवित्त वित्तीय संस्थाको शेयरमूल्य सर्वाधिक ९.०५ प्रतिशतले बढेको छ । यस्तैगरी, रिभर फल्स पावरको शेयरमूल्य साढे ७ प्रतिशतभन्दा बढीले बढेको छ भने दोल्ती पावरको शेयरमूल्य करिब साढे ७ प्रतिशतले बढेको छ । विन नेपाल लघुवित्त वित्तीय संस्था, सुपर मादी हाइड्रोपावर र भूगोल इनर्जी डेभलपमेन्ट कम्पनीको शेयरमूल्य भने नकारात्मक सर्किट लेभलमा कारोबार भएको छ । 

कारोबार रकमका आधारमा आज रिभर फल्स पावर शीर्ष स्थानमा रहेको छ । सो कम्पनीको आज २४ करोड १ लाख रुपैयाँबराबरको शेयर खरिदबिक्री भएको छ । यसैगरी हिमालयन पावर पार्टनरको १८ करोडभन्दा बढीको शेयर किनबेच भएको छ भने एनआरएन इन्फ्रास्ट्रक्चर एण्ड डेभलपमेन्टको १६ करोडभन्दा बढीको शेयर कारोबार भएको छ । १३ उपसमूहमध्ये आज ८ वटा उपसमूहको परिसूचक बढेको छ भने ५ उपसमूहको परिसूचक घटेको छ ।