रोशन केसी/काठमाण्डू । अध्ययन स्कुल, टोखा, काठमाण्डू र लिप फ्रगको संयुक्त आयोजनामा नेपालकै पहिलो अन्तर विधालय ह्याक अ थोन सुरु भएको छ । 

आइतबारदेखि सुरु भएको सो प्रतियोगितामा ३३ वटा स्कुलका ४७ वटा टिममा २ सय ३५ जना बिधार्थीहरुको सहभागिता रहेको छ । “फ्युचर अफ लर्निङ्ग” शीर्षकमा सञ्चालन गरिएको प्रतियोगितामा सहभागी बिधार्थीहरुले जीवनमा आइपर्ने समस्यालाई प्रविधिको माध्यमबाट सुल्झाउनेछ्न् ।

यसका लागि उनीहरुले कोडिङ्को प्रयोग गर्नेछ्न् । यही माघ १६ र १७ गते सहभागीहरुका लागि बुट्क्याम्पको आयोजना गरिएको थियो ।  यसका लागि बिधार्थीहरुलाई कोड फर नेपालका ३२ जना मेन्टरहरुले प्रशिक्षण दिएका थिए । प्रतियोगिता कोड फर नेपाल र वेदाको सहकार्यमा सन्चालित छ । प्रतियोगिताको फाइनल आउँदो फागुन ७ गते हुँदैछ ।

कार्यक्रममा बिजेता हुने टोलीले १ लाख, उपबिजेताले ७५ हजार र तेस्रो हुने टोलीले ५० हजार पाउनेछन् ।