रे समाचार/काठमाडौं । साताको दोस्रो कारोबार आज शेयर बजारमा गिरावट आएको छ । पछिल्ला ४ कारोबार दिनदेखि घटिरहेको शेयर बजार मापक नेप्सेले आज पनि सोही क्रमलाई निरन्तरता दिएको हो ।

आज नेप्से परिसूचक १०.९८ अंक घटेर २६७७.३२ विन्दुमा झरेको छ । नेप्सेसँगै आज कारोबार रकम पनि घटेको छ । हिजो ८ अर्ब ३९ करोडको शेयर खरिदबिक्री भएकोमा आज ६ अर्ब ९६ करोड २ लाख ९२ हजार रुपैयाँ बराबरको शेयर खरिदबिक्री भएको छ । नेप्से घटे पनि आज दुई वटा स्टकको शेयर सकारात्मक सर्किट लेभलमा कारोबार भएको छ । न्यादी हाइड्रोपावर र गार्डियन माइक्रो लाइफ इन्स्योरेन्सको शेयर सकारात्मक सर्किट लेभलमा कारोबार भएको हो । यसैगरी, नेपाल रिपब्लिक मिडियाको शेयरमूल्य करिब ९ प्रतिशतले वृद्धि भएको छ । 

आज दुई वटा स्टकको शेयर नकारात्मक सर्किट लेभलमा कारोबार भएको छ । बोटलर्स नेपाल (बालाजु) र उपकार लघुवित्त वित्तीय संस्थाको शेयर नकारात्मक सर्किट लेभलमा कारोबार भएको हो । कारोबार रकमका आधारमा आज नेपाल रिपब्लिक मिडिया शीर्ष स्थानमा रहेको छ । सो कम्पनीको २४ करोड ४४ लाख रुपैयाँबराबरको शेयर खरिदबिक्री भएको छ । यसैगरी, सिईडिबि होल्डिङ्गसको १५ करोडभन्दा बढीको शेयर कारोबार भएको छ भने सप्तकोशी डेभलपमेन्ट बैंकको साढे १४ करोड रुपैयाँबराबरको शेयर किनबेच भएको छ । १३ उपसमूहमध्ये आज २ वटा उपसमूहको परिसूचक बढेको छ भने ११ उपसमूहको परिसूचक घटेको छ ।