रे समाचार/काठमाडौं । शेयर बजार आज पनि वृद्धि भएको छ । पछिल्ला ६ कारोबार दिनदेखि बढिरहेको शेयर बजार मापक नेप्सेले आज पनि सोही क्रमलाई निरन्तरता दिएको हो ।
नेप्से परिसूचक आज ७.१३ अंकले वृद्धि भई २७६५.८८ विन्दुमा पुगेको छ । नेप्से बढे पनि आज कारोबार रकम भने घटेको छ । हिजो ११ अर्बभन्दा बढीको शेयर खरिदबिक्री भएकोमा आज ९ अर्ब ९० करोड ९३ लाख ८६ हजार रुपैयाँबराबरको शेयर खरिदबिक्री भएको छ । गार्डियन माइक्रो लाइफ इन्स्योरेन्सको शेयर आज पनि सकारात्मक सर्किट लेभलमा कारोबार भएको छ । यसैगरी, नेपाल ल्यूब आयलको शेयरमूल्य करिब १० प्रतिशतले वृद्धि भएको छ भने सपोर्ट माइक्रोफाइनान्स वित्तीय संस्थाको शेयरमूल्य करिब ९ प्रतिशतले बढेको छ । विन नेपाल लघुवित्त वित्तीय संस्थाको शेयरमूल्य भने आज सर्वाधिक ८.९७ प्रतिशतले घटेको छ ।
कारोबार रकमका आधारमा आज हिमालयन रि इन्स्योरेन्स शीर्ष स्थानमा रहेको छ । सो कम्पनीको आज १ अर्ब २ करोड ६२ लाख ७३ हजार रुपैयाँबराबरको शेयर खरिदबिक्री भएको छ । यसैगरी, नेपाल पुनर्बीमा कम्पनीको ८३ करोडभन्दा बढीको शेयर किनबेच भएको छ भने हाइड्रो इलेक्ट्रिसिटी इन्भेष्टमेन्ट एण्ड डेभलपमेन्ट कम्पनीको साढे २९ करोडभन्दा बढीको शेयर कारोबार भएको छ । १३ उपसमूहमध्ये आज ७ उपसमूहको परिसूचक बढेको छ भने ६ वटा उपसमूहको परिसूचक घटेको छ ।
