काठमाण्डू । चीन विकास मञ्च २०२५ अन्तर्राष्ट्रिय सहभागिताका साथ सुरु भएको छ । 

यस वर्षको दुई दिने चीन विकास मञ्च आज बिहान चीनको राजधानी पैचिङस्थित तियाओ युथाई स्टेट गेस्टहाउसमा सुरु भएको हो । जसमा १०० भन्दा धेरै विदेशी पाहुनाहरूले समष्टिगत आर्थिक नीति, सुधार र उपभोग बढाउने जस्ता विषयहरूमा गहन छलफल गर्नेछन् । प्राप्त समाचार अनुसार पहिलो पटक फोरममा भाग लिने बहुराष्ट्रिय कम्पनीहरूको संख्या नयाँ उचाइमा पुगेको बताईएको छ । “विश्वव्यापी अर्थतन्त्रको स्थिर वृद्धिको लागि विकास गतिलाई खुला गर्दै” भन्ने विषयवस्तुमा रहेको यस फोरममा १२ वटा गोष्ठी र धेरै बन्द-सत्रहरू रहेका छन् ।

फोरमका सहभागीहरूले नयाँ गुणस्तरीय उत्पादक शक्तिहरूको विकास, एआई नवप्रवर्तन, हरित विकास र आर्थिक भूमण्डलीकरणमा नयाँ प्रवृत्तिहरू सहित प्रमुख मुद्दाहरूको अन्वेषण गर्ने कार्यसूचि रहको छ । फोरमलाई सम्बोधन गर्दै, वित्तीय तथा आर्थिक मामिलाका लागि केन्द्रीय समितिको कार्यालयका कार्यकारी उपनिर्देशक हान वेन सिउले चीनले चीनको विकासको लाभांश बाँड्न विदेशी लगानीकर्ताहरूलाई पनि स्वागत गरेको जानकारी दिनुभयो । 

उपनिर्देशक हान वेन सिउले हालैका वर्षहरूमा, चीनले दबाबलाई प्रेरणामा परिणत गरेको जानकारी दिनुहुँदै, प्राविधिक आत्मनिर्भरता र उन्नतिलाई प्रवद्र्धन गर्न सकारात्मक प्रगति हासिल गरेको बताउनुभयो । प्रविधि-संचालित र नवप्रवर्तन–संचालित विकासमा ध्यान केन्द्रित गर्न चीनले निरन्तर जारी राखेको बताउनुहुँदै उहाँले नयाँ गुणस्तरीय उत्पादक शक्तिहरू विकास गर्न स्थानीय अवस्था अनुरूप उपायहरू लिने जानकारी दिनुभयो । 

उदीयमान उद्योगहरूलाई सक्रिय रूपमा अगाडि बढाउन, भविष्यका उद्योगहरूलाई बढावा दिन र परम्परागत क्षेत्रहरूलाई रूपान्तरण र स्तरोन्नति गर्न डिजिटल, हरियो र एआई प्रविधिहरू प्रयोग गर्न चीन प्रतिबद्ध रहेको समेत हान वेन सिउले जानकारी दिनुभयो । चीनले धेरै अन्तर्राष्ट्रिय लगानीकर्ताहरूले चीनको अर्थतन्त्र र सम्पत्तिहरूमा विश्वास देखाएको बताउनुहुँदै हान वेन सिउले चीनले अन्तर्राष्ट्रिय पूँजीलाई चीनमा फर्कन, लगानी बढाउन र चीनको विकासको लाभांश बाँड्न आह्वान गरेको पनि जानकारी दिनुभयो । 

फोरमले २१ व्टा देशका बहुराष्ट्रिय कम्पनीहरूका ८६ वटा आधिकारिक प्रतिनिधिहरूलाई भेलामा सहभागी गराएको छ । सीसीटिभिका अनुसार राज्य परिषद्को विकास अनुसन्धान केन्द्रद्वारा प्रायोजित र चीन विकास अनुसन्धान प्रतिष्ठानद्वारा आयोजित चीन विकास मञ्च, सन् २००० मा स्थापना भएदेखि नै चीन र बाँकी विश्वबीच संवाद र सहयोगको लागि एक प्रमुख प्लेटफर्म बनेको छ ।