रे समाचार/काठमाडौं । शेयर बजार आज वृद्धि भएको छ । शेयर बजार मापक नेप्से परिसूचक आज २३.८६ अंक बढेर २७००.०४ विन्दुमा पुगेको छ । नेप्से बढे पनि आज कारोबार रकम भने घटेको छ ।

हिजो ५ अर्ब ७९ करोडको शेयर खरिदबिक्री भएकोमा आज ५ अर्ब ४४ करोड ४४ लाख ३५ हजार रुपैयाँ बराबरको शेयर खरिदबिक्री भएको छ । आज सेन्ट्रल फाइनान्सको शेयर सकारात्मक सर्किट लेभलमा कारोबार भएको छ । यसैगरी, विशाल बजार कम्पनीको शेयरमूल्य करिब १० प्रतिशतले बढेको छ भने उपकार लघुवित्त वित्तीय संस्थाको शेयरमूल्य ९ प्रतिशतभन्दा बढीले वृद्धि भएको छ । आज बोटलर्स नेपाल (बालाजु) को शेयर नकारात्मक सर्किट लेभलमा कारोबार भएको छ । 

कारोबार रकमका आधारमा आज सिईडिबी होल्डिङ्गस लिमिटेड शीर्ष स्थानमा रहेको छ । सो कम्पनीको ३६ करोड ५५ लाख रुपैयाँबराबरको शेयर खरिदबिक्री भएको छ । यसैगरी, हिमालयन रि इन्स्योरेन्सको ३५ करोडभन्दा बढीको शेयर किनबेच भएको छ भने ङादी ग्रुप पावरको करिब साढे २७ करोडको शेयर किनबेच भएको छ । १३ उपसमूहमध्ये आज ११ उपसमूहको परिसूचक बढेको छ भने २ वटा उपसमूहको परिसूचक घटेको छ ।